BṚHADĀRAṆYAKA UPANISHAD · 3.3.1

अथ हैनं भुज्युर् लाह्यायनिः पप्रच्छ -- याज्ञवल्क्येति होवाच -- मद्रेषु चरकाः पर्यव्रजाम ।
ते पतञ्चलस्य काप्यस्य गृहान् ऐम ।
तस्यासीद् दुहिता गन्धर्वगृहीता ।
तम् अपृच्छाम को ऽसीति ।
सो ऽब्रवीत् सुधन्वाङ्गिरस इति ।
तं यदा लोकानाम् अन्तान् अपृच्छाम ।
अथैनम् अब्रूम -- क्व पारिक्षिता अभवन्न् इति ।
क्व पारिक्षिता अभवन् ।
स त्वा पृच्छामि याज्ञवल्क्य ।
क्व पारिक्षिता अभवन्न् इति ॥

atha hainaṃ bhujyur lāhyāyaniḥ papraccha -- yājñavalkyeti hovāca -- madreṣu carakāḥ paryavrajāma ।
te patañcalasya kāpyasya gṛhān aima ।
tasyāsīd duhitā gandharvagṛhītā ।
tam apṛcchāma ko ’sīti ।
so ’bravīt sudhanvāṅgirasa iti ।
taṃ yadā lokānām antān apṛcchāma ।
athainam abrūma -- kva pārikṣitā abhavann iti ।
kva pārikṣitā abhavan ।
sa tvā pṛcchāmi yājñavalkya ।
kva pārikṣitā abhavann iti ॥

Then Bhugyu Lâhyâyani asked. 'Yâgñavalkya,' he said, 'we wandered about as students, and came to the house of Patañkala Kâpya. He had a daughter who was possessed by a Gandharva. We asked him, 'Who art thou?' and he (the Gandharva) replied: 'I am Sudhanvan, the Âṅgirasa.' And when we asked him about the ends of the world, we said to him, 'Where were the Pârikshitas? Where then were the Pârikshitas, I ask thee, Yâgñavalkya, where were the Pârikshitas?'

F. Max Müller · The Upanishads, Sacred Books of the East 15 (1884)