BṚHADĀRAṆYAKA UPANISHAD · 5.14.1

भूमिर् अन्तरिक्षं द्यौर् इत्य् अष्टाव् अक्षराणि ।
अष्टाक्षरं ह वा एकं गायत्र्यै पदम् ।
एतद् उ हैवास्या एतत् ।
स यावद् एषु त्रिषु लोकेषु तावद् ध जयति यो ऽस्या एतद् एवं पदं वेद ॥

bhūmir antarikṣaṃ dyaur ity aṣṭāv akṣarāṇi ।
aṣṭākṣaraṃ ha vā ekaṃ gāyatryai padam ।
etad u haivāsyā etat ।
sa yāvad eṣu triṣu lokeṣu tāvad dha jayati yo ’syā etad evaṃ padaṃ veda ॥

The words Bhûmi (earth), Antariksha (sky), and Dyu (heaven) form eight syllables. One foot of the Gâyatrî consists of eight syllables. This (one foot) of it is that (i. e. the three worlds). And he who thus knows that foot of it, conquers as far as the three worlds extend.

F. Max Müller · The Upanishads, Sacred Books of the East 15 (1884)