CHĀNDOGYA UPANISHAD · 8.7.3

तौ ह द्वात्रिंशतं वर्षाणि ब्रह्मचर्यम् ऊषतुः ।
तौ ह प्रजापतिर् उवाच ।
किम् इच्छन्ताव् अवास्तम् इति ।
तौ होचतुर् य आत्मा अपहतपाप्मा विजरो विमृत्युर् विशोको विजिघत्सो ऽपिपासः सत्यकामः सत्यसंकल्पः सो ऽन्वेष्टव्यः स विजिज्ञासितव्यः ।
स सर्वांश् च लोकान् आप्नोति सर्वांश् च कामान् यस् तम् आत्मानम् अनुविद्य विजानातीति भगवतो वचो वेदयन्ते ।
तम् इच्छन्ताव् अवास्तम् इति ॥

tau ha dvātriṃśataṃ varṣāṇi brahmacaryam ūṣatuḥ ।
tau ha prajāpatir uvāca ।
kim icchantāv avāstam iti ।
tau hocatur ya ātmā apahatapāpmā vijaro vimṛtyur viśoko vijighatso ’pipāsaḥ satyakāmaḥ satyasaṃkalpaḥ so ’nveṣṭavyaḥ sa vijijñāsitavyaḥ ।
sa sarvāṃś ca lokān āpnoti sarvāṃś ca kāmān yas tam ātmānam anuvidya vijānātīti bhagavato vaco vedayante ।
tam icchantāv avāstam iti ॥

They dwelt there as pupils for thirty-two years. Then Pragâpati asked them: 'For what purpose have you both dwelt here?' They replied: 'A saying of yours is being repeated, viz. "the Self which is free from sin, free from old age, from death and grief, from hunger and thirst, which desires nothing but what it ought to desire, and imagines nothing but what it ought to imagine, that it is which we must search out, that it is which we must try to understand. He who has searched out that Self and understands it, obtains all worlds and all desires." Now we both have dwelt here because we wish for that Self.'

F. Max Müller · The Upanishads, Sacred Books of the East 1 (1879)