TAITTIRĪYA UPANISHAD · 1.5

भूर्भुवः सुवरिति वा एतास्तिस्रो व्याहृतयः ।
तासामुहस्मै तां चतुर्थीम् । माहाचमस्यः प्रवेदयते ।
मह इति । तद्ब्रह्म । स आत्मा । अङ्गान्यन्या देवताः ।
भूरिति वा अयं लोकः । भुव इत्यन्तरिक्षम् ।
सुवरित्यसौ लोकः ।

मह इत्यादित्यः । आदित्येन वाव सर्वे लोका महीयन्ते ।
भूरिति वा अग्निः । भुव इति वायुः । सुवरित्यादित्यः ।
मह इति चन्द्रमाः । चन्द्रमसा वाव
सर्वाणि ज्योतींषि महीयन्ते । भूरिति वा ऋचः ।
भुव इति सामानि ।
सुवरिति यजूंषि ।

मह इति ब्रह्म । ब्रह्मणा वाव सर्वेवेदा महीयन्ते ।
भूरिति वै प्राणः । भुव इत्यपानः । सुवरिति व्यानः ।
मह इत्यन्नम् । अन्नेन वाव सर्वे प्राणा महीयन्ते ।
ता वा एताश्चतस्रश्चतुर्धा । चतस्रश्चतस्रो व्याहृतयः ।
ता यो वेद ।
स वेद ब्रह्म । सर्वेऽस्मैदेवा बलिमावहन्ति ।

bhūrbhuvaḥ suvariti vā etāstisro vyāhṛtayaḥ ।
tāsāmuhasmai tāṃ caturthīm । māhācamasyaḥ pravedayate ।
maha iti । tadbrahma । sa ātmā । aṅgānyanyā devatāḥ ।
bhūriti vā ayaṃ lokaḥ । bhuva ityantarikṣam ।
suvarityasau lokaḥ ।

maha ityādityaḥ । ādityena vāva sarve lokā mahīyante ।
bhūriti vā agniḥ । bhuva iti vāyuḥ । suvarityādityaḥ ।
maha iti candramāḥ । candramasā vāva
sarvāṇi jyotīṃṣi mahīyante । bhūriti vā ṛcaḥ ।
bhuva iti sāmāni ।
suvariti yajūṃṣi ।

maha iti brahma । brahmaṇā vāva sarvevedā mahīyante ।
bhūriti vai prāṇaḥ । bhuva ityapānaḥ । suvariti vyānaḥ ।
maha ityannam । annena vāva sarve prāṇā mahīyante ।
tā vā etāścatasraścaturdhā । catasraścatasro vyāhṛtayaḥ ।
tā yo veda ।
sa veda brahma । sarve’smaidevā balimāvahanti ।

Bhûr, Bhuvar and Suvar, these are the three Words of His naming. Verily the Rishi Mahachamasya made known a fourth to these, which is Mahas. It is Brahman, it is the Self, and the other gods are his members. Bhûr, it is this world; Bhuvar, it is the sky; Suvar, it is the other world: but Mahas is the Sun. By the Sun all these worlds increase and prosper. Bhûr, it is Fire; Bhuvar, it is Air; Suvar, it is the Sun: but Mahas is the Moon. By the Moon all these shining fires increase and prosper. Bhûr, it is the hymns of the Rigveda; Bhuvar, it is the hymns of the Saˆ ma; Suvar, it is the hymns of the Yajur: but Mahas is the Eternal. By the Eternal all these Vedas increase and prosper. Bhûr, it is the main breath; Bhuvar, it is the lower breath; Suvar, it is the breath pervasor: but Mahas is food. By food all these breaths increase and prosper. These are the four & they are fourfold; — four Words of His naming and each is four again. He who knoweth these knoweth the Eternal, and to him all the Gods carry the offering.

Sri Aurobindo · CWSA 18, p. 210