TAITTIRĪYA UPANISHAD · 3.10

न कञ्चन वसतौ प्रत्याचक्षीत । तद्व्रतम् ।
तस्माद्यया कया च विधया बह्वन्नं प्राप्नुयात् ।
अराध्यस्मा अन्नमित्याचक्षते ।
एतद्वै मुखतोऽन्नंराद्धम् ।
मुखतोऽस्मा अन्नंराध्यते ।
एतद्वै मध्यतोऽन्नंराद्धम् ।
मध्यतोऽस्मा अन्नंराध्यते ।
एतद्वा अन्ततोऽन्नंराद्धम् ।
अन्ततोऽस्मा अन्नं राध्यते ।

य एवं वेद । क्षेम इति वाचि । योगक्षेम इति प्राणापानयोः ।
कर्मेति हस्तयोः । गतिरिति पादयोः । विमुक्तिरिति पायौ ।
इति मानुषीः समाज्ञाः । अथ दैवीः । तृप्तिरिति वृष्टौ ।
बलमिति विद्युति ।

यश इति पशुषु । ज्योतिरिति नक्षत्रेषु ।
प्रजातिरमृतमानन्द इत्युपस्थे । सर्वमित्याकाशे ।
तत्प्रतिष्ठेत्युपासीत । प्रतिष्ठावान् भवति ।
तन्मह इत्युपासीत । महान्भवति । तन्मन इत्युपासीत ।
मानवान्भवति ।

तन्नम इत्युपासीत । नम्यन्तेऽस्मै कामाः ।
तद्ब्रह्मेत्युपासीत । ब्रह्मवान्भवति ।
तद्ब्रह्मणः परिमर इत्युपासीत ।
पर्येणं म्रियन्ते द्विषन्तः सपत्नाः ।
परि येऽप्रिया भ्रातृव्याः ।
स यश्चायं पुरुषे । यश्चासावादित्ये । स एकः ।

स य एवंवित् । अस्माल्लोकात्प्रेत्य ।
एतमन्नमयमात्मानमुपसङ्क्रम्य ।
एतं प्राणमयमात्मानमुपसङ्क्रम्य ।
एतं मनोमयमात्मानमुपसङ्क्रम्य ।
एतं विज्ञानमयमात्मानमुपसङ्क्रम्य ।
एतमानन्दमयमात्मानमुपसङ्क्रम्य ।
इमाँल्लोकान्कामान्नी कामरूप्यनुसञ्चरन् ।
एतत् साम गायन्नास्ते । हा ३ वु हा ३ वु हा ३ वु ।

अहमन्नमहमन्नमहमन्नम् ।
अहमन्नादो३हमन्नादो३हमन्नादः ।
अहंश्लोककृदहंश्लोककृदहंश्लोककृत् ।
अहमस्मि प्रथमजा ऋता३स्य ।
पूर्वं देवेभ्योऽमृतस्य ना३भायि ।
यो मा ददाति स इदेव मा३वाः ।
अहमन्नमन्नमदन्तमा३द्मि ।
अहं विश्वं भुवनमभ्यभवा३म् ।
सुवर्न ज्योतीः । य एवं वेद । इत्युपनिषत् ।

सह नाववतु । सह नौ भुनक्तु । सह वीर्यं करवावहै । तेजस्वि नावधीतमस्तु मा विद्विषावहै । ॐ शान्तिः शान्तिः शान्तिः । हरिः ॐ ॥

na kañcana vasatau pratyācakṣīta । tadvratam ।
tasmādyayā kayā ca vidhayā bahvannaṃ prāpnuyāt ।
arādhyasmā annamityācakṣate ।
etadvai mukhato’nnaṃrāddham ।
mukhato’smā annaṃrādhyate ।
etadvai madhyato’nnaṃrāddham ।
madhyato’smā annaṃrādhyate ।
etadvā antato’nnaṃrāddham ।
antato’smā annaṃ rādhyate ।

ya evaṃ veda । kṣema iti vāci । yogakṣema iti prāṇāpānayoḥ ।
karmeti hastayoḥ । gatiriti pādayoḥ । vimuktiriti pāyau ।
iti mānuṣīḥ samājñāḥ । atha daivīḥ । tṛptiriti vṛṣṭau ।
balamiti vidyuti ।

yaśa iti paśuṣu । jyotiriti nakṣatreṣu ।
prajātiramṛtamānanda ityupasthe । sarvamityākāśe ।
tatpratiṣṭhetyupāsīta । pratiṣṭhāvān bhavati ।
tanmaha ityupāsīta । mahānbhavati । tanmana ityupāsīta ।
mānavānbhavati ।

tannama ityupāsīta । namyante’smai kāmāḥ ।
tadbrahmetyupāsīta । brahmavānbhavati ।
tadbrahmaṇaḥ parimara ityupāsīta ।
paryeṇaṃ mriyante dviṣantaḥ sapatnāḥ ।
pari ye’priyā bhrātṛvyāḥ ।
sa yaścāyaṃ puruṣe । yaścāsāvāditye । sa ekaḥ ।

sa ya evaṃvit । asmāllokātpretya ।
etamannamayamātmānamupasaṅkramya ।
etaṃ prāṇamayamātmānamupasaṅkramya ।
etaṃ manomayamātmānamupasaṅkramya ।
etaṃ vijñānamayamātmānamupasaṅkramya ।
etamānandamayamātmānamupasaṅkramya ।
imām̐llokānkāmānnī kāmarūpyanusañcaran ।
etat sāma gāyannāste । hā 3 vu hā 3 vu hā 3 vu ।

ahamannamahamannamahamannam ।
ahamannādo3hamannādo3hamannādaḥ ।
ahaṃślokakṛdahaṃślokakṛdahaṃślokakṛt ।
ahamasmi prathamajā ṛtā3sya ।
pūrvaṃ devebhyo’mṛtasya nā3bhāyi ।
yo mā dadāti sa ideva mā3vāḥ ।
ahamannamannamadantamā3dmi ।
ahaṃ viśvaṃ bhuvanamabhyabhavā3m ।
suvarna jyotīḥ । ya evaṃ veda । ityupaniṣat ।

saha nāvavatu । saha nau bhunaktu । saha vīryaṃ karavāvahai । tejasvi nāvadhītamastu mā vidviṣāvahai । oṃ śāntiḥ śāntiḥ śāntiḥ । hariḥ oṃ ॥

Thou shalt not reject any man in thy habitation, for that too is thy commandment unto labour. Therefore in whatsoever sort do thou get thee great store of food. They say unto the stranger in their dwelling “Arise, the food is ready.” Was the food made ready at the beginning? To him also is food made ready in the beginning. Was the food made ready in the middle? To him also is food made ready in the middle. Was the food made ready at the end & last? To him also is the food made ready at the end and last, who hath this knowledge. As prosperity in speech, as getting & having in the main breath and the nether, as work in the hands, as movement in the feet, as discharge in the anus, these are the cognitions in the human. Then in the divine; as satisfaction in the rain, as force in the lightning, as splendour in the beasts, as brightness in the constellations, as procreation and bliss and death conquered in the organ of pleasure, as the All in Ether. Pursue thou Him as the firm foundation of things & thou shalt get thee firm foundation. Pursue Him as Mahas, thou shalt become Mighty; pursue Him as Mind, thou shalt become full of mind; pursue Him as adoration, thy desires shall bow down before thee; pursue Him as the Eternal, thou shalt become full of the Spirit; pursue Him as the destruction of the Eternal that rangeth abroad, thou shalt see thy rivals and thy haters perish thick around thee and thy kin who loved thee not. The Spirit who is here in man & the Spirit who is there in the Sun, lo, it is One Spirit and there is no other. He who hath this knowledge, when he goeth from this world having passed to the Self which is of food; having passed to the Self which is of Prana; having passed to the Self which is of Mind; having passed to the Self which is of Knowledge; having passed to the Self which is of Bliss, lo he rangeth about the worlds & eateth what he will and taketh what shape he will and ever he singeth the mighty Sama. “Ho! ho! ho! I am food! I am food! I am food! I am the eater of food! I am the eater! I am the eater! I am he who maketh Scripture! I am he who maketh! I am he who maketh! I am the firstborn of the Law; before the gods were, I am, yea at the very heart of immortality. He who giveth me, verily he preserveth me; for I being food, eat him that eateth. I have conquered the whole world and possessed it, my light is as the sun in its glory.” Thus he singeth, who hath the knowledge. This verily is Upanishad, the secret of the Veda. Together may He protect us, together may He possess us, together may we make unto us strength and virility! May our study be full of light and power! May we never hate! OM Peace! Peace! Peace! Hari OM!

Sri Aurobindo · CWSA 18, pp. 230, 231