BṚHADĀRAṆYAKA UPANISHAD · 2.3.6

तस्य हैतस्य पुरुषस्य रूपम् ।
यथा माहारजनं वासो यथा पाण्ड्वाविकं यथेन्द्रगोपो यथाग्न्यर्चिर् यथा पुण्डरीकं यथा सकृद्विद्युत्तम् ।
सकृद्विद्युत्तेव ह वा अस्य श्रीर् भवति य एवं वेद ।
अथात आदेशो नेति नेति ।
न ह्य् एतस्माद् इति नेत्य् अन्यत् परम् अस्ति ।
अथ नामधेयं सत्यस्य सत्यम् इति ।
प्राणा वै सत्यम् ।
तेषाम् एष सत्यम् ॥

tasya haitasya puruṣasya rūpam ।
yathā māhārajanaṃ vāso yathā pāṇḍvāvikaṃ yathendragopo yathāgnyarcir yathā puṇḍarīkaṃ yathā sakṛdvidyuttam ।
sakṛdvidyutteva ha vā asya śrīr bhavati ya evaṃ veda ।
athāta ādeśo neti neti ।
na hy etasmād iti nety anyat param asti ।
atha nāmadheyaṃ satyasya satyam iti ।
prāṇā vai satyam ।
teṣām eṣa satyam ॥

And what is the appearance of that person? Like a saffron-coloured raiment, like white wool, like cochineal, like the flame of fire, like the white lotus, like sudden lightning. He who knows this, his glory is like unto sudden lightning. Next follows the teaching (of Brahman) by No, no! for there is nothing else higher than this (if one says): 'It is not so.' Then comes the name 'the True of the True,' the senses being the True, and he (the Brahman) the True of them.

F. Max Müller · The Upanishads, Sacred Books of the East 15 (1884)