BṚHADĀRAṆYAKA UPANISHAD · 6.1.14

सा ह वाग् उवाच -- यद् वा अहं वसिष्ठास्मि त्वं तद् वसिष्ठो ऽसीति ।
यद् वा अहं प्रतिष्ठास्मि त्वं तत् प्रतिष्ठो ऽसीति चक्षुः ।
यद् वा अहं संपद् अस्मि त्वं तत् संपद् असीति श्रोत्रम् ।
यद् वा अहम् आयतनम् अस्मि त्वं तद् आयतनम् असीति मनः ।
यद् वा अहं प्रजातिर् अस्मि त्वं तत् प्रजातिर् असीति रेतः ।
तस्यो मे किम् अन्नं किं वास इति ।
यद् इदं किञ्चा श्वभ्य आ कृमिभ्य आ कीटपतङ्गेभ्यस् तत् ते ऽन्नम् ।
आपो वास इति ।
न ह वा अस्यानन्नं जग्धं भवति नानन्नं प्रतिगृहीतं य एवम् एतद् अनस्यान्नं वेद ।
तद् विद्वांसः श्रोत्रिया अशिष्यन्त आचामन्त्य् अशित्वाचामन्ति ।
एतम् एव तद् अन्नम् अनग्नं कुर्वन्तो मन्यन्ते ॥

sā ha vāg uvāca -- yad vā ahaṃ vasiṣṭhāsmi tvaṃ tad vasiṣṭho ’sīti ।
yad vā ahaṃ pratiṣṭhāsmi tvaṃ tat pratiṣṭho ’sīti cakṣuḥ ।
yad vā ahaṃ saṃpad asmi tvaṃ tat saṃpad asīti śrotram ।
yad vā aham āyatanam asmi tvaṃ tad āyatanam asīti manaḥ ।
yad vā ahaṃ prajātir asmi tvaṃ tat prajātir asīti retaḥ ।
tasyo me kim annaṃ kiṃ vāsa iti ।
yad idaṃ kiñcā śvabhya ā kṛmibhya ā kīṭapataṅgebhyas tat te ’nnam ।
āpo vāsa iti ।
na ha vā asyānannaṃ jagdhaṃ bhavati nānannaṃ pratigṛhītaṃ ya evam etad anasyānnaṃ veda ।
tad vidvāṃsaḥ śrotriyā aśiṣyanta ācāmanty aśitvācāmanti ।
etam eva tad annam anagnaṃ kurvanto manyante ॥

Then the tongue said: 'If I am the richest, then thou art the richest by it.' The eye said: 'If I am the firm rest, then thou art possessed of firm rest by it.' The ear said: 'If I am success, then thou art possessed of success by it.' The mind said: 'If I am the home, thou art the home by it.' The seed said: 'If I am generation, thou art possessed of generation by it.' He said: 'What shall be food, what shall be dress for me?' They replied: 'Whatever there is, even unto dogs, worms, insects, and birds, that is thy food, and water thy dress. He who thus knows the food of Ana (the breath), by him nothing is eaten that is not (proper) food, nothing is received that is not (proper) food. Srotriyas (Vedic theologians) who know this, rinse the mouth with water when they are going to eat, and rinse the mouth with water after they have eaten, thinking that thereby they make the breath dressed (with water).'

F. Max Müller · The Upanishads, Sacred Books of the East 15 (1884)